posted on : मई 14, 2022 1:41 अपराह्न
कोटद्वार : उत्तराखण्ड विकास पार्टी क उपाध्यक्ष राजपाल सिंह रावत न बोली कि भाजपा सरकार कुमाउँनियों दगड़ी भेदभाव करणी च और गैरसेंण तै राजधानी नि बणाणी च। राजपाल सिंह रावत न बोली कि ये दुखक बात च की कुमाऊँनी विधायक भी ये भेदभाव क शिकायत नि करणा छन। उन बोली कि आम कुमाउँनी देहरादून मा ऐकी ठगै सी जांद च। न त यख कुई कुमाउँनी समझणु वालू मिलदू च और ना ही कुई कुमाउँनी मा बात करदू च , इलै राजधानी गैरसैंण ही हूंण चैन्द। राजपाल सिंह रावत न बोली कि मुख्यमंत्री पुष्कर सिंह धामी तै चंपावत वालों तै गैरसैंण राजधानी तोहफा मा दींण चैन्द। राजपाल सिंह रावत न बोली कि कुमाउँनी विधायकों तै समझणु पडलू कि इबरी मौका च , त चौका लगा द्यावा निथर अगनै इतगा बढ़िया मौका नि मिललू।